2017 lta exposicion
Iragandako erakusketa

Artea ikasbide 2017

2017.06.13 - 2017.09.17

Erakusketa honetara datozenek enkontru emankor batetik sortutako magia dastatzeko aukera izango dute. 2016–17 ikasturtean zehar, 6 eta 12 urte arteko 100 haurrek baino gehiagok artea tresna gisa baliatu dute, Museoko 6 artistaren eskutik. Hainbat gai landu dituzte: familia-eredu desberdinak, besteengandik desberdintzen gaituzten gauzak eta besteekin berdintzen gaituztenak, gizakiak Historiaurretik artea sortzeko baliatu dituen moduak... Aurtengoan, hauek izan dira parte hartu duten artistak: Naia del Castillo, Iñaki Gracenea, Maider López, Manu Muniategiandikoetxea, Jorge Rubio eta Ixone Sábada. Argazkigintza, pintura, eskultura edo performancea baliatu dituzte errealitatea deskubritu, esploratu eta ulertzen saiatzeko, eta prozesuan zehar norberaren eta taldeko adierazpena eta sormen-askatasuna gailendu dira. Erakusketa honekin gure bisitariek abentura zirraragarri honetan parte hartu dezaten nahi dugu.

PROGRAMA

Hezkuntza-programa honek Lehen Hezkuntzako eskola-curriculuma indartzen du artea, baliabide gisa erabiliz eta ikasgelan proiektu transbertsalak planteatuz, diziplinarteko ikuspuntu batekin. Ibilbide ezaguna eta esperientzia zabala duten artistak dira ikastetxeetan ikastaroak ematen dituztenak, hogei astetan zehar. Eskola-umeek artista batekin ideiak eta sortze-prozesuak partekatzeko aukera paregabea dute. Arteari buruz elkarrizketan aritzeak eta sortze-prozesuan parte hartzeak curriculumeko gaietan irudimenezko modu pertsonalean sakontzeko aukera eskaintzen die eskola-umeei. Hala, artea errealitatea ezagutu, esploratu eta ulertzeko erreminta bilakatzen da, eta norbanakoaren espresioaren eta sortze-askatasunaren balioa nabarmentzen du. Programa bakoitza bakarra eta pertsonalizatua da, ikasle-talde bakoitzaren eta beren irakasleen behar eta interesei erantzuteko asmoa duelako. 1998az geroztik urtero arrakastaz gauzatzen den programa da, Eusko Jaurlaritzako Hezkuntza, Unibertsitate eta Ikerketa Sailarekin elkarlanean eta BBK-k ematen duen babesari esker. Arteak hezkuntza-erreminta gisa duen ahalmena balioan jarri eta horren alde egiten dute instituzio horiek.


20 URTE

Lehenengo Artea ikasbide erakusketa 1998an izan zen. Hezkuntza-programa honek balio handia zuela erabat sinetsita, azken emaitza Museoan erakutsi nahi izan genuen. Orduan haien lanak erakutsi zituzten haurrak heldu bilakatu dira jada, eta beste belaunaldi baten gurasoak dira, agian. Orain, ezin aberasgarriago suertatu zaigun programa honen inguruan gogoeta egin dugu, baita hogei urtetan zehar egin dizkigun ekarpenen inguruan ere: gure galderen aurrean suertatu diren iritzi ezberdin ugariak, aurreikusi gabeko hainbat ibilbide eta ezusteko, Museoa musikaz eta barrez bete duten inaugurazio dibertigarriak. Bide batez, bide berriak urratu nahian abenturan murgildu eta gure artistei ikasgeletako ateak parez pare ireki dizkieten irakasleak gogora ekarri nahi ditugu.

1970. urtean, Learning Through Art hezkuntza-programa abiarazi zen New Yorkeko Solomon R. Guggenheim Museum-en. Proiektu hori Natalie K. Lieberman babesleari ezker garatu zen; izan ere, bere hirian arte-hezkuntza Ikastetxe publikoetatik desagertzen ikusi zuen hark. Pasa diren ia 50 urte hauetan, New Yorkeko eskoletako 100.000 ikasletik gora igaro dira programa estatubatuarretik.

Artistak

Captura de pantalla 2021 04 09 a las 9 54 51

Muniategiandikoetxea, Manu

“Haur bakoitzaren berezko sormen-gaitasuna sendotzen duen esperientzia da Artea ikasbide. Artista batekin lana partekatzea, artetik lan egitea eta ez ikusle soil gisa, baizik artista gisa jardutea iniziazio-esperientzia bat da haientzat, eta...

Captura de pantalla 2021 04 09 a las 10 03 51

Rubio, Jorge

“Txiki-txikitatik bilatzen dugu zerbaitekin edo norbaitekin identifikatzea. Baina ez denez paregabea den ezer existitzen, interesgarrien zaiguna erreproduzitu behar dugu. Gure identitatea interesgarrien suertatu zaizkigun identitateen atalik...

Captura de pantalla 2021 04 09 a las 10 10 49

López, Maider

“Talde berri bakoitzarekin zerotik hasi behar da lanean, eta taldea barne hartuko duen dinamika bat sortu behar da. Batzuetan lan zirraragarria egin dugu, baina ikasleak ez dira ohartu forma ikusi duten arte; harritu egin dira azken emaitza ikusi...

Captura de pantalla 2021 04 09 a las 10 21 31

Del Castillo, Naia

“Praktika artistikoak mugarik gabeko mundu bat eskaintzen du, eta aurtengoan, Irala auzoko Tomás Camacho Ikastetxeko ikasleak bete-betean murgildu dira mundu horretan. Teknika eta metodo artistiko desberdinak ikasi dituzte, eta hainbat argazki,...

Captura de pantalla 2021 04 09 a las 10 31 27

Gracenea, Iñaki

“Historiaurreak eta haurtzaroak hainbat gauza dituzte amankomunean. Garai hartan, bere inguruaren aurrean bizi zuen egoera babesgabeak haren abilezia eta pentsamendua garatzera eraman zuen gizakia, eta gaitasunak eskuratu ahala, estetikagatik...

Captura de pantalla 2021 04 09 a las 10 48 26

Sádaba, Ixone

“Soloarteko lan-taldearekin, artera hurreratu gara: haren forma, eduki, garai eta emozioetara. Egiaztatu dugu artea ez dagoela gugandik horren urruti, ez eta inguratzen gaituzten objektuetatik ere; ohartu gara artista guztiak sentitu direla...

Partekatu